బ్లాగర్ పేరు; మంజు యనమదల
బ్లాగ్ పేరు; కబుర్లు కాకరకాయలు
బ్లాగ్ ని ఒక మాధ్యమంగా ఎపుడు గుర్తించారు?
బ్లాగ్ రచనలో మీ అనుభవాలు?
బ్లాగింగ్ వలన ఉండే సానుకూల అంశాలు?పరిమితులు?
మహిళా బ్లాగర్ గా మీ ప్రత్యేకత?
సాహిత్యంతో మీ పరిచయం?
స్త్రీగా రాయడంలో మీకు ఇబ్బందులు ఏవైనా ఎదురయ్యాయా?
జీవన నేపధ్యం?
మాది మధ్య తరగతి రైతు ఉమ్మడి కుటుంబం. బంధాలు బాధ్యతలు ప్రేమలు అభిమానాలు, కోపాలు ఆవేశాలు అన్ని కలిసున్న కుటుంబం. చదివింది ఇంజనీరింగ్ అయినా గురు లఘువులతో తెలుగు అంటే ఇష్టం మొదలై అది అలా పెరిగిపోయి తెలుగు అంటే ఉన్న అభిమానంతో రాష్ట్రాలు మారినా… దేశాలు తిరిగినా తప్పని స్థితిలో మాత్రమే తెలుగు మాట్లాడను. కూటి కోసం పరాయి భాష…ఆత్మ సంతృప్తి కోసం అమ్మ భాష అండి…
ఎన్నాళ్ళు బ్లాగింగ్ కొనసాగించాలని?
సరదాగా ఏవైనా చెప్పండి?
సీరియస్ గా ఏవైనా చెప్పండి?
1.కబుర్లు
నాలో నేను
తప్పొప్పులు, తీపి చేదు అనుభవాలు, నిజాలు అబద్దాలు, కొన్ని చేదు నిజాలు, మనకిష్టం లేక పోయినా ఎదుటి వారి ఆనందం కోసం చేసిన పనులు, మనకోసం మాత్రమే…మనకి మాత్రమే సొంతమైన కొన్ని అనుభూతుల పరిమళాలు…..ఇలా ఎన్నో రకాల అనుభూతుల మాలికే దేవుడిచ్చిన ఈ జీవితం. మనకి మాత్రమే సొంతమైన, మనది మాత్రమే అయిన మన జీవితం.
జీవితాన్ని అందరూ అందంగానే మలచుకోవాలని, సంతోషంగానే వుండాలని మొదలు పెడతారు కాని అందరికి అన్ని దొరకవు కదా!! మన గతజన్మ ఖర్మ ఫలితాన్ని బట్టి మన నుదుటి రాతని మనం పుట్టే కొన్ని క్షణాల ముందే రాసేస్తాడు. ఈ లోకం లోకి రావడం మొదలు బతకడానికి పోరాటం మొదలు పెడతాము. అదృష్టవంతులు బంగారు స్పూను నోటిలో పెట్టుకు పుడితే, కొంత మంది వెండి, రాగి ఇలా జీవితాలు మొదలవుతాయి.
నేను బంగారు స్పూనుతో పుట్టక పోయినా అదృష్టవంతురాలినే చిన్నప్పుడు. అందరి ప్రేమ, ఆప్యాయతలు పుష్కలంగా దొరికేవి. మాది పల్లెటూరు అయినా మేము పెరిగిన వాతావరణం చాలా చాలా బాగుండేది. చదువు, పుస్తకాలు,ఆటలు, స్నేహితులు, బంధువులు, సినిమాలు, షికార్లు ఇలా అన్ని ఆనందాలు దొరికేవి. మరి మనకు నచ్చినట్లు వుండే అలాంటి జీవితం దొరకడం దేవుడిచ్చిన వరమే నాకు. చిన్నప్పుడు డాక్టరు అంటే చాలా ఇష్టం పెద్ద అయినంక అదే చదవాలని అనుకునేదాన్ని. సైన్సు బొమ్మలు కుడా బాగా వేసేదాన్ని, కొద్దిగా బాగానే చదివేదాన్ని. పిన్ని వాళ్ళు రికార్డులు రాసుకొంటుంటే నేను రాస్తాను ఇంతకన్నా బాగా అని అనుకునేదాన్ని. నాన్న ఇంటరులో సైన్సు వద్దు లెక్కలు తీసుకో అంటే సరే అని లెక్కలు తీసుకున్నాను. బొమ్మల మీద అభిమానంతో స్నేహితులకు వేసిపెట్టేదాన్ని. తెలుగు అంటే బోల్డు అబిమానం కాని స్పెషల్ తెలుగు తీసుకుంటానంటే ఒప్పుకోలేదు. సరే ఇక ఇంజనీరింగ్ మొదలు…..వెళ్తే క్లాసులకు వెళ్ళడం, లేదా క్లాసులు ఎగొట్టి సినిమాలకు వెళ్ళడం….ఇది అందరూ చేసే పనేలెండి నేనేం కొత్తగా చేయలేదు. కాకపొతే ఇంట్లో వాళ్ళని చూడకుండా ఎక్కువ రోజులు వుండటం అలవాటు లేదు అందుకే పది, పదిహేను రోజులకి ఇంటికి వెళ్ళడం. హోటల్ కి వెళ్తే ఓ మంచి కాఫీ, దోశ, ఐస్ క్రీం పార్లర్ కి వెళ్తే భేల్పూరి, వెనీలా తినడం, ఉత్తరాలు, హాస్టల్లో పుట్టినరోజు పార్టీలు, రాగింగులు, క్లాసులో లాస్ట్ బెంచ్లో కూర్చొని అల్లరి, బస్సులో అంత్యాక్షరిలు, పరీక్షల్లో నైట్ అవుట్లు…. …..ఇలా బానే గడిచి పోయింది.
అస్సలు కత మొదలైంది చదువు అయినంక….నాకు, మా నాన్నకి చిన్న మాట తేడా వచ్చి నేను ఎంచుకున్న దారిలో నడవడం మొదలు పెట్టాను. కష్టమైనా, నష్టమైనా నేనే పడ్డాను చాలా రోజులు. ఇంట్లో వాళ్ళు కుడా నాతొ పాటుగానే అన్ని అనుభవించారు ఆ టైములో. మనం వాళ్ళని కాదన్నా వాళ్ళు మనల్ని వదులుకోలేరు ఇది ఎవరు నమ్మినా నమ్మక పోయినా అక్షర సత్యం. మా అత్తింటి వాళ్ళు అందరూ వాళ్ళ స్వార్ధం కోసం అందరు బంధువుల్లానే తమ నిజ స్వరూపం చూపించారు. చాలా కొద్ది మంది మాత్రమే వేరేగా వుంటారు, ఇది మానవ నైజం దీనిలో మనం వాళ్ళని తప్పు పట్టడానికి ఏమి లేదు. కాక పొతే నమ్మకం మీద, మానవత్వపు విలువల మీద దెబ్బ కొట్టారు అది మర్చి పోలేను.
నేను నడుస్తున్న దారిలో ముళ్ళు, రాళ్ళు ఏరుకుంటూ ప్రయాణం మొదలు పెట్టాను….కొన్ని కావాలంటే కొన్నిటిని వదులుకోవాలని పసి పిల్లలని( ఒకటినర్ర , ఆరు నెలల పిల్లలని) అమ్మ వాళ్ళ దగ్గర వదిలి….మరి బతకడానికి డబ్బులు కావాలి కదా!! దేశం కాని దేశం లో ఏదో ఒక తిప్పలు పడి కాస్త నిలదొక్కుకున్నాము. పెద్ద బాబు చచ్చి బతికినా కుడా రాని, కనీసం చూడని అత్తింటి వారికి డబ్బుల అవసరాలు తీర్చి, చిన్న ఆడబిడ్డకు పెళ్లికి డబ్బులు ఇచ్చి, పెళ్లి కుదిర్చి చేస్తే కుడా మామీద ఇంకా కోపమే వాళ్లకి.ఆ పెళ్లి కొడుకు ఆవిడకి నచ్చలేదంట. అది ముందు చెప్పలేదు.నేనేదో అబద్దం ఆ అబ్బాయి జీతం విషయంలో చెప్పానంట. నేను చెప్పలేదు, అడిగితే నాకు తెలియదు నాలుగువేలో,ఐదువేలో నాకు తెలియదు ఫోను నెంబరు ఇదిగో మీరే ఇంకా ఏమైనా అడగదల్చుకొంటే అడగండి అని చెప్పాను. అది జరిగింది. మరిది తోడికోడలు వాళ్ళని అమెరికా మేమే డబ్బులు కట్టి తీసుకు వెళ్లి మూడు నాలుగు నెలలు మా ఇంట్లోనే ఉంచుకుని అన్ని చేస్తే వాళ్ళ అవసరాలు తీర్చుకుని ఈ రోజు మా డబ్బులు పదిహేను లక్షలు ఎగొట్టారు. ఇదండీ బంధువుల రాబందుల గోల!!
ఇక ఉద్యోగం అంటారా!! అది అంతేనండి. పని సంగతి ఏమో కాని రాజకీయాలు బాగా నేర్చుకోవచ్చు. మనం పని చేస్తున్నాము కదా, మళ్ళి దాని గురించి చెప్పడం ఎందుకు? వాళ్లకి తెలుసు కదా!! అనుకుంటాము కాని మనం చేసే పనిని వాళ్ళకిష్టమైన వాళ్ళు చేసారు అని, పని చేసిన మనం ఏమి చేయలేదని, మనకి ఏమి రాదనీ చెప్పడం….ఎవరి దగ్గర నాటకాలు వాళ్ళ దగ్గర వేయడం, చేతలు లేకుండా మాటలు కోటలు దాటించడం…ఇలా మనకు తెలిసిన అనుభవాలే అన్ని. కాదంటారా!! చదివి నవ్వు కుంటున్నారా!! మరి ఇవేనండి నా నాలుగు పదుల అనుభవాల అనుభూతులు కొన్ని.
1.కవిత
ఇదీ బావుంది…!!
చుట్టూ అందరున్నా నాకెవ్వరూ లేనట్టుగా
అన్ని బందాలున్నా ఏ బంధమూ నాది కానట్టుగా
నిస్పృహో….
నిట్టూర్పో..
నిస్సహాయతో…
ఏదో తెలియని…
నిశ్శబ్ద శూన్యం ..!!
ఒంటరితనంతో ఏకాంతమో….!!
ఏకాంతంతో సహవాసమో….!!
ఎలా ఉన్నా అన్నింటా నువ్వే…!!
వడి వడిగా పరుగులెత్తే కాలం
ఎవరి కోసం దేని కోసం ఆగనట్లే…..
మెల్లగా తడిమి వదలి పోయింది….
నీ జ్ఞాపకాలతో నన్నుండమని….!!
2.స్వప్నమో కాదో…!!
కలో కలవరమో తెలియనిఅయోమయంలో నిదుర కాని
మెలుకువ లోని ఒక స్వప్నం
వేకువలో నిజమయ్యేనా!!
కమ్మని అమ్మ లాలి పాట
నను పరవశింప చేసేనా!!
అమ్మ చల్లని చేతి స్పర్శలోని
వెచ్చదనం నా కందేనా!!
కలైన ఈ కలవరింత లోని
కమ్మదనం, అమ్మదనం అచ్చంగా నాదైతే!!
మెలుకువలోని మరిన్ని నా స్వప్నాలు
వేకువ పొద్దులో నిజమౌతాయి….!!
మంజు గారూ,
మంజులనాదం మృదువుగా వినబడి కనబడుతుంది కానీ అశ్సరభశ్సరభ హడావిడి చేయదు కదా.. అందుకే కూడళ్ళలో శీర్షిక కనపడదు.
లోపం కవర్ చేయడానికి కవిత్వం చెపుతున్నా కానీ సారీ..
మీ సమాధానాలు సింపుల్ గా బావున్నాయి .
అందమైన మీ స్పందనకు ధన్యవాదాలు మల్లీశ్వరి గారు….ముందు గా మీకు కృతజ్ఞతలు చెప్పాలి నన్ను కూడా ఇలా పరిచయం చేసినందుకు చాలా సంతోషంగా ఉంది….మీ అభిమానం ఎప్పటికి మరువ లేను
మంజు గారూ థాంక్ యూ
కూటి కోసం పరాయి భాష…ఆత్మ సంతృప్తి కోసం అమ్మ భాష అండి… నిజం చెప్పారు… ఎంతైనా అమ్మ భాష తర్వాతే వేటి స్థానమైనా… 🙂
ఇంటర్వ్యూ బాగుంది మంజుగారు.. బ్లాగు ద్వారా, ప్రమదావనం ద్వారా, ఫేస్బుక్ సాహిత్య గ్రూపుల ద్వారా చాన్నాళ్లుగా మంజుగారు పరిచయమే… ఎప్పుడూ టచ్లో ఉంటారు.. ఏం రాసినా వెంటనే స్పందిస్తారు… చక్కగా ప్రోత్సహిస్తారు..
మంజుగారి పేరు తల్చుకుంటేనే నాకు ఎప్పుడూ ఆత్మీయ స్నేహితురాల్లాగే అనిపిస్తూ ఉంటారు… 🙂
మంజు గారి గురించి ఇంత చక్కని పరిచయం చేసినందుకు మల్లీశ్వరిగారికి ధన్యవాదాలు.. మంజుగారికి అభినందనలు.. Keep Smiling always Manjugaaroooooo……
శోభ గారు చాలా సంతోషం మీ ఆత్మీయ స్పందనకు… స్నేహానికి…మీ స్పందన చూసి మనసు చాల హాయిగా ఉంది….ఇంతకన్నా చెప్పలేను 🙂 మాటలు రావడం లేదు
ఒక మృదు మధుర మంజులనాదంలా జరిగిన ఈ ఇంటర్వ్యూ బాగుందండీ. స్వఛ్ఛమైన మీ మనసుని విప్పి చెప్పిన విధానం చాలా బాగుంది. ఇంత చక్కగా సమాధానాలిచ్చిన మీకు, మీనుంచి ఇంత చక్కటి సమాధానాలు రాబట్టుకున్న జాజిమల్లిగారికి అభినందనలు…
లలిత గారూ
మీ సహృదయతకి ధన్యవాదాలు
నచ్చిన మీకు నా హృదయపూర్వక ధన్యవాదాలు లలితా గారు
మంజు గారు బాగుందండి మీ పరిచయం. మళ్ళీ ఓ సారి మీ బ్లాగ్ మొత్తం చూడాలనిపిస్తోంది.
అవును జయ గారు మీరు పలకరించి చాలా రోజులు ఐంది….మీ స్పందన లేక చిన్నబోయింది నా బ్లాగ్…ఆత్మీయ స్పందనకు ధన్యవాదాలు
మంజులనాదం మృదుమధురం గా వుంది . మంచి పరిచయం మంజు.
ధన్యవాదాలు మాలా గారు,
manju garu…miirevvaro naku parichayam yi bloglo ne….naku daggarlo vunna gudiwada ammayi..manasuloni matalu yintha chakkaga cheppagaluguthu..chalamandi manasullo yide namanasukooda anipinchela vunnnayyi mi matalu..yelavachhindo yi jabilli na id loki…yadruchhikam!!goodwork u r doing!
చాలా సంతోషం దుర్గ గారు…. మీ అభిమానం ముందు నేనేం చెప్పగలను శిరస్సు వంచి నమస్సులు చెప్పడం తప్ప…..
అరె! కొంచెం ఆలస్యంగా చూసాను . మంజు గారు మీ బ్లాగ్ మంజీరనాదం ని శ్రావ్యంగా వినిపించారు. చాలా బావుంది . నాకెప్పుడూ ఆశ్చర్యం. ఎలాంటి విషయాన్ని అయినా సింగిల్ పేజీ కథలా చక్కగా చెప్పేస్తారు . మీ మనోభావాలు ప్రతిబింబించే మీ బ్లాగ్ బావుంటుంది . అదివరకటి కన్నా ఇప్పుడు బాగా వ్రాస్తున్నారు కూడా . మీరన్న ఈ మాట బాగా నచ్చింది “కూటి కోసం పరాయి భాష…ఆత్మ సంతృప్తి కోసం అమ్మ భాష ” అభినందనలు
మల్లీశ్వరి గారు .. కబుర్లు కాకరాయ కాయలలో నుండి మంజు నాదాన్ని వినిపించారు . రియల్లీ సూపర్బ్. థాంక్ యూ!
మీ అభిమానానికి ఎప్పుడు ఋణపడి ఉంటాను వనజ గారు…ఆలశ్యం ఏమి లేదండి ఇకా మీరు చుదలేదేమితా అనుకున్నా….ధన్యవాదాలు
వనజ గారూ
ధన్యవాదాలు. . ఇంకా వనజ గారు రాలేదేంటా అనుకుంటుండగానే వచ్చేశారు . సంతోషం
చక్కటి బ్లాగుల్లో మంజు గారిది కూడా ఒకటి. మంజు గారూ మీ బ్లాగులో ఎక్కువగా వ్యాఖ్యలు పెట్టకపోయినా మీ ప్రతి టపా చదువుతాను. ఏ విషయమైనా భలే క్లుప్తంగా సూటిగా స్పష్టంగా చెప్తారు.
జాజిమల్లి గారూ మంచి బ్లాగుల్ని మళ్ళీ ఒకసారి గుర్తు చేస్తున్నందుకు మీకు థన్యవాదాలండి. టపా పేరు కూడా భలే చక్కగా పెడుతున్నారు.
సిరిమువ్వలు జాజిమల్లిలో ఎపుడు సవ్వడి చేస్తాయో!
సిరి సిరి మువ్వలా చక్కని పలకరింపు మీ పలుకులు…నా టపాలు మీరు చదువుతున్నందుకు నాకు సంతోషం..మీకు ధన్యవాదాలు….మీ ప్రశంసకు చాలా సంతోసహం
ఒక్కోసారి మన రాతలు విమర్శలకు గురి కావచ్చు…లేదా పొగడ్తలు కురియవచ్చు…chala baga vishlesincharu madam
ధన్యవాదాలు….
మంజుగారూ, మీ భావ వ్యక్తీకరణ బాగుంది.
psmlakshmi
ధన్యవాదాలు….:)
ధన్యవాదాలు….:) Lakshmi garu
మంజు గారు, చాలా ఆలశ్యంగా ఇప్పుడే చదివాను మీ ఇంటర్యూ.
మీ గురించి ఎన్నో విషయాలు తెలుసుకున్నాను. మీ కవితలు చాలా బాగుంటాయి.
మీ సున్నితమైన మనసుకి అద్దం పడుతూ ఉంటాయి. మిమ్మల్ని పరిచయం చేసిన జాజిమల్లి గారికి ధన్యవాదాలు.
జలతారు వెన్నెల గారూ
ధన్యవాదాలు
వెన్నెల గారు ఆలశ్యంగా అయినా మీ ఆత్మీయ స్పందనకు ధన్యవాదాలు 🙂
వెన్నెల గారు మీ ఆత్మీయ స్పందనకు ధన్యవాదాలు
@ మంజు గారూ..
బ్లాగింగులో మీ అనుభవాలు, అభిప్రాయాలు తెలుసుకోవడం బాగుందండీ.. స్పష్టంగా సూటిగా చెప్పారు. అభినందనలు.
ధన్యవాదాలు మధురవాణి గారు
very beautiful manjula gaaru …………
Thank u so much Rukmini garu
మళ్లీశ్వరిగారు నమస్తే!
ముందుగా మీకు ధన్యావాదాలు.
మంజు గారు 2011 మార్చి నుండీ బ్లోగర్ గా పరిచయం!
సున్నితంగా, నిక్కచ్చి గా వుంటాయి వాటి టపాలు. అల్లాగని ఎక్కడా వివాదాలకి పోరు. సహనంతో సానుకూలంగా వుంటారు. సహజత్వం వారిలో సహజాతంగా వుందేమో. మనసుని బట్టీ,మనసు పట్టి,మనసు పెట్టి మాట్లాడతారు.
ఒకప్పుడు (2012-04) నేను నిర్వహించిన కవితా పోటీలో విజేతగా నిల్చారు. బహుమతందుకున్నారు.
http://neelahamsa.blogspot.in/2012/04/blog-post_3.html
ఇటీవలి వారి కవితల్లో నాకెప్పుడూ గుర్తుకొచ్చే మాటలు:
రాయలేని కన్నీటి కావ్యాలు
అక్షరాల కోసం ఎదురు చూస్తున్నాయి…!!
చెప్పలేని మనసు స్పందనలు
మూగగా తపిస్తున్నాయి నీకు చెప్పాలని ..!
-మంజు
వారి కుశలాన్ని,అభ్యున్నతిని మనసారా కాంక్షిస్తూ …
-సత్య
సత్య గారు మీ మనసులోని మాటలకి నా మనఃపూర్వక ధన్యవాదాలు మీ అభిమానానికి చాలా సంతోషంగా ఉంది