నాను ఇలగ అనీసినానో నేదో వూరోల్లంత గొల్లువెట్టీసినారు. ‘ఓలమ్మా! ఈ మల్లమ్మకి ఏటయిపోనాది! ఒడుపెరిగిన దాయి గదా తట్టుకుని ఒడ్డున పడిపోతాది అనీసుకున్నాం…సివరికి మల్లమ్మకి కూడా దెబ్బడిపోనాది. పిచ్చి మాటలాడేస్తోంది ఏటి సేస్తుము!’ అనీసి అక్కుర్లు బుక్కుర్లై ముక్కులు సీదేసినారు. మరి కొందరు నేస్తులయితే ఇకటాలు మొదలు పెట్టీసినారు. ‘నెంబర్ 10 బస్సు ఎక్కించీ మందువా!’ అనీసి. మరి కొందరు జూదగత్తెలు పందెం విసిరినారు నా మీదకి. ‘ఇంకోపాలి దయిర్నంగా చూసి సిలకలాగా నవ్వుకుని వచ్చీసినావంటే నీకు లచ్చ కాదు పది లచ్చలు ఇస్తుము’ అనీసి.
ఇయ్యన్నీ ఇనేసి నాను జవజవలాడిపోనాను. ఈ లోకంలోట దర్మము నశించుట గాకపోతే ఆళు సెప్పేది నాను ఇనీయాలి గానీ నాను సెప్పేది ఆళు ఇనుకోరా?! అదే అనీసినాను.
అల్లప్పటికి అందరికీ ఒంటి మీనకి తెలివి వచ్చీసి ‘ యానికే నీకు బెమ్మోచ్చవం నచ్చీసినాది ఒక్క పాయింటు సెప్పుమీ మావు ఆలకిస్తాం.’ నిలదీసి అడిగినారు.
నానపుడు సద్దుకుని కూకుని ఇలగ సెప్పినాను.
నానూ నా సెందుమావ కలిసి బెమ్మోచ్చవానికి పోయినాము. హాలు లోపట సల్లగా సుకంగా పత్తెంగా ఉండేతలికి అయిదో నిమిషాన నాను నిద్రలోకి జారుకున్నాను. మరల్లపుడు పదో నిమిషమో పదకొండో నిమిషమో నాకు ఎరికనేదు గానీ గొల్లున నవ్వులు వినపడేతలికి ఉలిక్కిపడి లేసినాను. అందరి మొకాలట ఎలుగు నవ్వులు. ఈ నవ్వులన్నీ నాను మిస్సయిపోయాను గావాల అనీసి కళ్ళు గట్టిగా తెరిచి తెరకి అతికించినాను. అల్లప్పటికి నాకు బోధపడినాది. అసలు ఇషయం తెర మీదట కాదు నా పక్కన ఉన్నది అని. ఇకటదారి మా సెందుమావ నా పక్కన కూకుని పేల్సినాడు మాటలు…ఇహన సూడండే! హాలుహాలంత నవ్వుల్తో అవ్వాయి సువ్వాయిల్నాగా ఎగిసిపడినారు. ఓలమ్మా మరి కంటి మీద కునుకు పడితే ఒట్టు.
ఒక్క చణం సెందుమావ పల్లకుంతే నేనే గాదు పెజలు బరాయించుకోనేకపోయినారు. ఏదొకటి అనుమీ, ఒక డవిలాగ్ విసురుమీ అనీసి బోల్డు ఇజ్ఞప్తులు పంపినారు. మరిహన ఏటి సేస్తాడు నా మావ! పెజల మానపేనాలు రచ్చించటం కోసం సెందుమావ బాద్దెత బుజానేసుకుని అందరిని ఒడ్డున పడేసినాడు. నాను కూడా ఇతోదికంగా నాలుగు మాటలు మా మావకి అందించి సాయపడినాను. హాలు లోపట నుండి బైటకు వచ్చేతలికి అల్లందరూ క్యూలు కట్టి మావకి షేకు హాండులిచ్చి ‘మీరే గనక నేకపోయి ఉంటే ఈ రోజు మావు ఏటయిపోయి ఉందుము…మా పేనాలు నిలువునా రచ్చించారు’. అనీసి పండగలు పబ్బాలకి మమ్మల్ని భోజికి రమ్మని పిలుపులు సేసి మరీ ఎల్లినారు.
దయగల తల్లుల్లాలా తండ్రుల్లాలా! ఇహన ఇప్పుడు సెప్పండి నాకు బెమ్మోచ్చవం సేన నచ్చీసినాది అంటే అందులోట ఏటి తప్పున్నాది??!!
జాజిమల్లి 
బెమ్మోచ్చవం చూసి జీవచ్చవం అయితున్నారు. మహేశ్ బాబు ఇచ్ గార్డ్ డాన్స్ సూపర్.
. ‘ఓలమ్మా! ఈ మల్లమ్మకి ఏటయిపోనాది! ఒడుపెరిగిన దాయి గదా తట్టుకుని ఒడ్డున పడిపోతాది అనీసుకున్నాం…సివరికి మల్లమ్మకి కూడా దెబ్బడిపోనాది. పిచ్చి మాటలాడేస్తోంది ఏటి సేస్తుము!’
అనుకున్నా 🙂
ఇంతకీ బెమ్మోత్సవం ట్రయిల్ అదిరిన్ది. కూసింత డైలాగులు కూడా కావాల్న. అయ్యి పెట్టుకొని సిన్మా యూ తూబు లో సూత్తాం
సెందుమావ డవిలాగుల బాలం సెప్తే తెలీదు. ఇంటే తెలుత్తాది. గావున మావు సెప్పం
Ayya! Mee Telugu yenta kammagaa vundo cheppataniki maatalu charlatam ledu saami .Meeku satamaanam bhavati