ఇవి పాఠకుల కధలు.

నాలుగేళ్ల కిందట దగ్గుమాటి పద్మాకర్ రాసిన ‘యూ టర్న్’ కధని ప్రశంసిస్తూ ”ఇది కధకుల కధ” అన్నారు చోరగుడి జాన్సన్. ఆ మాట నన్ను ఆకర్షించింది.ఒక కధని ప్రభావవంతంగా ఎట్లా చెప్పొచ్చో కధకులకి కూడా మార్గదర్శనం చేసిన కధగా ‘యూ టర్న్’ ని జాన్సన్ పరిగణించారు.
 
సరే…మరి పాఠకుల కధల సంగతేంటి?అన్న ప్రశ్న మొదలైంది నాలో….
 
2007 లో నేను చైతన్య స్రవంతి శిల్పంలో ప్రతి అక్షరాన్నీ చెక్కుతూ ‘ఖాళీ’ అనే కధని రాసాను.అది కధ-2007  లోకి ఎంపికైంది.ఆ కధ చదివాక ఆధునిక సాహిత్యాన్ని బాగా చదువుకున్న మా మాష్టారు అత్తలూరి నరసింహారావుగారు “ఇన్నాళ్ళకి ఒక మంచి కధ రాసావు”అన్నారు.సంతోషించాను.యాదృచ్చికంగా ఆ రోజే ఆ కధ చదివిన మా అమ్మ “ఇన్నాళ్ళూ మంచి కధలే రాసావుగా…ఇపుడేంటీ…ఇలాంటి కధ రాసావు!!!అంది.నివ్వెరపోయాను..
 
అపుడు జ్ఞానోదయమైంది.ఒక కధ రాస్తున్నపుడు మనం ఎంచుకున్న కధా వస్తువుకి టార్గెట్ రీడర్స్ ఎవరో మనకి స్పష్టంగా తెలియాలి.కధా శిల్పాన్ని అందుకు అనుగుణంగా మార్చుకోవాలి.ఆ స్పష్టత ఉన్న కధలే పాఠకుల కధలు అవుతాయి.
 
కల్పనా సాహిత్యాన్ని చదువుతున్నపుడు విమర్శకురాలిగానో,కధకురాలిగానో,కాకుండా పాఠకురాలిగా ఉండడంలో ఆనందం ఉంటుంది నాకు.
 
ఈ ఆదివారమంతా పాఠకురాలిగా సంతోషపడుతూ 182 పేజీల్లో, 20 కధలున్న ఒక పుస్తకాన్ని ఏకబిగిన చదివేసాను.నోరు తిరగని పేరున్న ఒక  కధకుడు రాసిన చేయి తిరిగిన కధలున్న ఆ పుస్తకం పేరు ‘ఆ కుటుంబంతో ఒక రోజు’….ఇవి పాఠకుల కధలు అని నిరూపించడానికి పెద్ద పెద్ద సిద్ధాంతాలను వెతుక్కోవాల్సిన అవసరాన్ని తప్పించిన కధకునికి అభినందనలు.
 
ఈ కధా సంపుటిలో నాకు నచ్చిన అంశాలు…..
 

* కధా వస్తువు దేని వెనకా దాక్కోలేదు…స్పష్టత ఉంది.

* ఆస్తికత్వం పట్ల సహనం,నాస్తికత్వంతో మమేకత,మూఢ విశ్వాసాల పట్ల వ్యతిరేకత

*కష్టకాలాల్లోనూ మనుషులు నిలుపుకోవాల్సిన ఆత్మాభిమానం,పెంచుకోవాల్సిన ఆత్మ విశ్వాసం గురించి సరళంగా చెప్పడం

*ఎక్కువెక్కువ జ్ఞానం ఉన్నవారినీ,అంతంత మాత్రం  జ్ఞానం ఉన్నవారిని కూడా చదివించే గుణం ఉన్న శైలి.

*అమెరికాని కధకుడి అభ్యుదయ కోణం నుంచి చూసి కాసేపు గలగలా నవ్వుకోవడం,(దాని వెనుక ఉండే విషాదం సంగతి సరే)
*పుస్తకం ప్రింటింగ్ కి సంబంధించి అన్ని అంశాలూ ఆసక్తిగా అన్పించడం
 
కధలు చదివేపుడు ఇబ్బంది కలిగిన సందర్భాలు.
 
*కొన్ని కధల్లో ఆదర్శాలను యాంత్రికంగా అమలు చేసినట్లు అన్పించడం
*అభ్యుదయ ధోరణి కలిగిన కధల్లోనూ బ్రాహ్మణ పరిభాషని వదులుకోలేకపోవడం
*కధా వస్తువు రిపీట్ కావడం
 
 
 
 
 
ప్రకటనలు

3 thoughts on “ఇవి పాఠకుల కధలు.

  1. mottaniki selavu pettina rojunu kuda sardhakam chesavu Malli 😉
    nice review and evocative info regarding the book. Liked these lines…
    ఒక కధ రాస్తున్నపుడు మనం ఎంచుకున్న కధా వస్తువుకి టార్గెట్ రీడర్స్ ఎవరో మనకి స్పష్టంగా తెలియాలి.కధా శిల్పాన్ని అందుకు అనుగుణంగా మార్చుకోవాలి.ఆ స్పష్టత ఉన్న కధలే పాఠకుల కధలు అవుతాయి.
    love…
    Vijji…

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s